Што людзі робяць першага студзеня? Правільна адсыпаюцца ))
А я, пакуль мае мужчыны адсыпаюцца, вырашыла апрацаваць і выкласці фоткі, што набраліся за апошні, на дзіва снежны, снежань 21-га года 🙂
Зіма зноў пабалавала нас марозам
Апранула дрэвы ў багатыя футры
Івы я люблю больш за ўсё! Нашыя прыгажуні за вакном: дзве плакучыя (ім яшчэ няма шасці год (пасадзіла з пруцікаў вясной 16-га года), а яны ўжо памерам з 2 паверхі!) і адна курчавая (гэтая расце павольней, ёй толькі 4 гады, але ж яна і не павінна быць высокай)
Астатняя расліннасць на нашым надзеле: ядловец, барбарыс, вінаград, ціс і іншае, таксама не засталася без урачыстых навагодніх упрыгожванняў 🙂
Неверагодныя марозныя світанкі
Але ж, як сонейка падымецца вышэй, нягледзячы на мароз, з’яўляюцца амаль вясновыя ледзяшы
Снег, снег, снег… ідзе і іскрыцца
Сінічкі зімуюць побач з нашым домам, бо для іх у нас заўсёды ёсць добры кавалак сала )
Конікі таксама на голад і холад не скардзяцца )) Ім бы наадварот — схуднець не пашкодзіла б! )))
Як і кошкам )))
Вось такая цудоўная зіма!