А вось фотак назбіралася процьма… І выкладваю я іх, як заўсёды са спазненнем ?
А з іншага боку, лета ўсі і летам наглядзеліся. Ну каму цікава разглядаць фоткі з кветкамі і птушкамі, калі тое ж самае ўбачыш у вакне. Іншая справа кветкі і птушкі ў снежні… )))
Дык вось… Уладкоўвайцеся ўтульней, хавайцеся пад коўдрачкай ад халоднага ветра і дажджа (ці снега — што там у вас?) і адчыняйце… ЛЕТА…
Паспрабуйце адчуць водар сонечнага ліпеня.
Можаце заварыць сабе цыкорый )) У натуральным выглядзе) Ох, колькі яго расце вакол нашага дома!
Кветкі былі, а вось і птушкі )))
Такая птаха назірала за мной праз вакно кухні.
Цяпер хадзем у лес па сунічку і на возера! 🙂
Спяшаемся да дому…
…Бо пачынаецца дождж (а то можа й град!)
Пасля дажджу накрывае туманамі…
Нельга прапусціць наш любімі вечаровы серыял)) Збіраемся з суседзямі на гары і штодзень глядзім новую серыю))) Праўда даглядзець да канца атрымліваецца не заўсёды, бо ня хочацца быць вячэрай для камароў )
Сонца села — пара класціся. Няхай сёння, пад посвіст ветра і грук халоднага восеньскага дажджа, вам сніцца спякотнае бясконцае лета!